上星期去左君悅酒店Grand Cafe食晚市自助餐，呢間上年拍過片，今次只講重點，包膠如下：
冷盤明顯cut左cost！一向都冇生蠔嘅佢，竟然冇左之前好好食嘅阿拉斯加蟹腳；冇左阿拉斯加都算，又唔加返個普通雪蟹腳落去。麵包蟹超高質，但全晚勁少refill。波龍keep到水準，凍海鮮靠晒佢！冇左好靚仔嘅魚子醬原片黑松露牛他他，又唔覺佢有加返d差唔多級數嘅食物。自家製煙三文魚一如以往勁好食，油香十足！
熱葷我之前比佢超高評價，今日我覺得佢仲進步左。三款燉湯好足料，味道濃郁，特別係個赤靈芝巴戟天牛腱牛筋真係好得。天婦羅同海南雞飯喺自助餐之中極高分，我講唔出邊間好食過佢。燒牛肉都食得過。
甜品同之前差唔多，款式比較少。但而家包左凍檸茶任飲，上年冇嘅。小插曲係一開始攞第一隻波龍竟然有條頭髮，呢樣真係要注意下。
——————————-
君悅咖啡廳Grand Cafe
地址：灣仔港灣道1號君悅酒店大堂
電話：25847722
Search